Garbahaarey, AGGM:Mudaharaad aad u ballaaran ayaa ka dhacay maanta Caasimada gobalka Gedo ee Garbahareey,mudaharaadkaan ayaa shacabka gobalka gaar ahaana kuwa garbahareey ay cod dheer ku sheegeen sida ay u soo dhaweynayaan uguna heelan yihiin shirka Midnimada Beesha Sade ee dhawaan la doonayo in lagu qabto magaalada Garbahareey.
Mudaharaadkaan ayaa qayb ka ah dadaalo lixaadleh oo ay iska kaashadeen dhamaan qaybaha bulshada ee magaalada Garbahareeyiyo wafdi maalmihii ugu danbeeyay magaalada kugnaa , Mudaharaadkaan ayaa waxaa hormuud ka ahaa qaybaha kala duwan bulshada sida Ardayda ,Ururada Haweenka ,Dhalinyarada ,Gudoomiyaha degmada , Cuqaasha magaalada iyo Culumaa’udiinka .
Magaalada Garabahaareey ayaa maalmihii ugu danbeeyay waxaa ka socday dadaalo magaaladu ay uga tashanaysay sidii ay u marti galin laheyd Shirwaynaha Beesha, uuna u noqan lahaa mid lagu guulaysto oo ay ka soo baxaan go’aamo wax tar u leh Bulshada ku nool dhamaan deegaanada ay beeshu degto iyo guud ahaanba dhulka Soomaaliyeed.
Dadaaladaan ayaa ka danbeeyay ka dib markii uu magaalada soo gaaray wafdi horudhac ahaa oo magaalada u yimid inu uu dadka ku baraarujiyo sidii loo taageeri lahaa loona soo dhaweyn lahaa hirgalinta Shirwaynaha Beesha Sade ee dhawaan lagu qabanayo Caasimada Gobalka ee garbahareey.
Banaanbixii maanta ayaa waxaa ka hadlay dhamaan qaybaha kala duwan ee bulshada waxaana ka mid ahaa Madaxdii iyo mas’uuliyiintii kalmadaha ka jeediyay fagaaraha.
Cali Maxamede Ciise – oo barnaamijka xiriirinayey
Sheekh Cumar cabdi jaamac – oo Kalimad waano ah jeediyey
kusimaha Gudoomiyaha Gobolka Tuure Cabdi Jaamac
Gudoomiyaha Degmada Iimaan Cadow
Taliyaha Amniga C/xakiim Maxamed (Caano koosto)
Maxamed Tahliil Biixi- qurba joogta
Xuseen faarax Coongaab – Qurba joogta
Nabadoon Mahad Macalim Cismaan
Nabadoon Abdulaahi Sheekh Axmed
Nabadoon Saalax Macalim Cabdi
Ambiyo Cismaan Cabdi – Ururka Haweenka
Xukun Cabdulle Aadan – Ururka haweenka
Maxamed Turmaag – ururka dhalinyarada GYDO
Cabdigurey Cali Xabad – Ururka dhalinyada Sooyaal
Isha Ku Hay Allgalgaduud Media
allgalgaduud@gmail.com