Wafdi ballaaran oo uu hogaaminayo Madaxweynaha Soomaaliya oo maanta gaaray magaalada Kismaayo ayaa ka qeyb galay munaasabad lagu sagootinayay Ciidamada Seirra Leone ee ka midka ah Ciidamada Midowga Afrika ee AMISOM.
Madaxweyne Xasan Sheekh oo ay wehlinayeen xildhibaano, saraakiil, odayaal dhaqameedyo iyo siyaasiyiin, ayaa waxaa garoonka diyaaradaha si weyn ugu soo dhaweeyay horjoogeyaasha Raaskambooni, iyo qeybaha kale duwan ee buslaada ku nool magaaladaasi, iyagoo intaa kaddib ka qeyb galay munaasabaasi lagu sagootinayay Ciidamada Seirra Lion.oo dib ugu laabanaya dalkooda.
Ciidamada Seirra Leone ee ka baxaya Soomaaliya ayaa sababta dalkooda ay dib ugu laabanayaan ay tahay, kadib markii la waayay ciidamadii bedeli lahaa, maadaama uu dalkooda ka dilaacay cudurka Ebola.
Madaxweyne Xasan Sheekh Maxamuud ayaa u rajeeyay ciidamadaasi ka tagaya Soomaaliya inay si nabad ah dalkooda ku tagaan, waxaana uu ku ammaanay kaalintii ay ka qaateen howl galka AMISOM intii ay ku sugnaayeen Gobolada Jubooyinka.
Ujeedka Safarka Madaxweynaha ayaa waxa uu ahaa inuu xaliyo khilaaf ka dhex qarxay isaga iyo Horjooge Axmed Madoobe oo salka ku haya lacag gaareysa 3 milyan oo doolar, balse magac ahaan ayaa waxaa loo dhigay in Madaxweynaha u tagay Kismaayo inuu sagootiyo ciidamada Amisom ee dalkooda ku laabanaya.
Dhinaca kale, Madaxweyne Xasan Sheekh ayaa sheegay in horjoogaha Raaskambooni Axmed Madoobe maanta wixii ka dambeeya loogu yeeri doono Madaxweyne oo uu yahay maamul dhameystiran.
Warar hoose oo ay heshay Warbaahinta Allgalgaduud ayaa sheegaya In horjooge Axmed Madoobe lacag gaadhaysa 3 Milyan oo Dollar oo lagu riday Ra’iisul wasaare Cabdiweli Sheekh Axmed oo mooshin been abuur ah looga abuuray Madaxweyne Xasa iyo Damajadiid ay ka soo amaahdeen.
Taas badalkeeda ayuu Xasan Sheekh siiyay aqoonsi ah in maamulkii heshiiski Addis ababa la isku waafaqay inuu KMG ahaado oo iminka waqtigii ay ka harsan tahay 5 bilood uu yahay maamul dhammeystiran oo Jubbaland la yiraahdo.
Isku soo wada duuboo Madaxweyne Xasan Sheekh waa waxaan laga yeelayn deeynta lagu leeyahay inuu ku badasho Masiirka dadka daga Jubbooyinka, waxa ayna horseedi doontaa dagaalo dib uga qarxa deegaanada Jubbooyinka oo ay ku daataan dhiig fara badan.