Sawirro:R/Wasaare Cumar C/rashiid iyo qaar kamid ah wakiilada beesha caalamka oo Muqdisho ku kulmay.

0

Muqdisho, 19. December 2014 –Ra’iisul Wasaaraha Magacaaban Dr. Cumar Cabdirashid Cali Sharma’arke ayaa saaka kulamo salaan iyo hambalyo isugu jira la qaatay safiirrada Djabouti, Turkiga iyo Wakiilka QM ee Soomaaliya. Kulamadaan ayaa isugu jiray Salaan, Hambalyo, iyo Isbarasho, waxayna ku dhaceen jawi daganaan ka muuqato.

Safiirrada ayaa soo gaarsiiyey Hambalyo ay ka sideen madaxda dalalkooda iyo Xooghayha Guud ee QM , waxayna balan qaadeen in ay sii xoojin doonaan xiriirkii ka dhaxeeya dalalkooda iyo dowlada Soomaliya.

Sidoo kale, Kulanka ayaa la isku dhaafsaday talooyin ku aadan xaaladda wadanka iyo sidii ay u dhexemari lahayd Xukuumadda uu soo dhisi doono wada-shaqayn, isla markaana horay loogu sii wada ambaqaadi lahaa horumarka ay sanadihii u dambeeyay ay gaartay dowladda Soomaaliya, iyadoo ay si weyn usoo dhaweeyeen safiirada kulanka ka qeybgalay magacaabidda Ra’iisul Wasaare Cumar C/rashiid.

Ugu dambeyn, Ra’iisul Wasaaraha magacaaban Dr. Cumar C/rashiid ayaa uga mahadceliyay safiirrada dhambaalka ay soo gaarsiiyeen iyo taageerada xoogan ee ay la garab taagan yihiin dalka Soomaaliya, wuxuuna tilmaamay Xukuumadda uu soo dhisi doono in ay sii xoojinayso cilaaqaadka u dhexeeya caalamka.

—-DHAMMAAD—

IMG_1364 IMG_1379 IMG_1389 IMG_1394 IMG_1394_1 IMG_1423 IMG_1424 IMG_1439 IMG_1452