Wafdi Sare oo ka socday Hay’adda Caaalamiga ee Lacagaha Adduunka ee IMF ayaa dhawaan booqasho ku yimid magaalladda Muqdisho, iyadoo Madaxda Dowladda Federalka kala hadlay Qaabkaa ugu wanaagsan ee loo soo nooleyn karo Xiriirka labada dhinac.
Madaxa Wafdiga IMF, Rogerio Zandamela ayaa sheegay inuu soo kobcayo Dhaqaalaaha Somalia, marka loo eego qaabkii uu ahaa 25-kii sannadood ee la soo dhaafay.
Rogerio Zandamela waxa uu farta ku fiiqay in sare u kaac laga dareemayo Wax-soo-saarka Somalia, gaar ahaan dhinacyadda Xoolaha, Kalluumeysiga, Wershadaha, Isgaarsiinta, Dhismooyinka, Xawaaladaha Lacagaha iyo Beeraha.
Wuxuuna intaasi ku daray inay Soomaalida Qurbo-joogta ah kaalin muhiim kaga jiraan Adeegyadaasi, wuxuuna ammaanay ammaanka soo hagaagayo ee Somalia.
Mas’uulkaasi waxa uu qiray inuu dalka Somalia leeyahay Kheyraad Dabiici ah ooay ku jiraan Shidaalka, Gaaska Dabiiciga, Kalluumeysiga iyo kuwo badan, waa sida uu hadalka u yiri.
Dhinaca kale, Madaxa Wafdiga Hay’aadda IMF ee dhawaan booqashadda hawleed ku yimid magaalladda Muqdisho, Rogerio Zandamela waxa uu tilmaamay inaysan Hay’aadda IMF wax Amaah Lacageed siin doonin Dowladda Somalia, tan iyo inta la isku waafaqayo qaabkka loo bixinayo Amaahdii Lacageed ee horey loo siiyey Somalia.
Waxa uu carrabka ku dhuftay in aysan Hay’addu bixin doonin Amaah kale, balse ay Somalia ka taageeri doonaan dhinaca La-talinta iyo Farsamooyinka Wanaajinta Dhaqaalaha iyo Nidaamka Bangiyadda.
Rogerio Zandamela waxa uu xusay inay Somalia ku leeyihiin lacag amaah ah oo dhan 328 million oo Dollar.
