Ciidamada Midowga Africa ee ku sugan dalka Soomaaliya ayaa wajahaya Su’aalo cusub oo la xiriira weerarkii bishii lasoo dhaafay Alshabaab ku qaadeen saldhiga ciidamada Kenya ku lahaayeen deegaanka Ceel-cadde ee gobolka Gedo.
Weerarkaasi ayaa ururka Al-shabaab waxay sheegteen iney ku dileen ku dhawaad 100 askari oo kamid ah ciidamada Kenya ee ku sugnaa saldhiga ku yaala deegaanka Ceel-cadde ee gobolka Gedo.
Ciidamada Militariga dalka Kenya ayaanan ilaa iyo hadda si cad u sheegin tirada rasmiga ah ee ciidamada Kenya kaga dhintay weerarkii Ceel-cadde, laakiin waxaa weerarkaasi lagu tilmaamaa weerarkii ugu xumaa ee ciidamada AMISOM kala kulmaan Al-shabaab.
Weerarka Alshabaab ka geysteen deegaanka Ceel-cadde iyo dagaaladii ugu dambeeyay ee ka dhacay degmada Marka ayaa la sheegay in Al-shabaab badan aysan ka qeyb qaadan marka loo eego ciidamada AMISOM oo tan iyo 2007 ku sugan dalka Soomaaliya.
Marka laga eego ujeedada ay u joogaan Soomaaliya ayaa ah yareynta weerarada Alshabaab ka geystaan dalka Soomaaliya iyo taageerada ciidamada dowlada Soomaaliya ee qabsanaya magaalooyinka Al-shabaab ku sugan yihiin.
Weerarkii ka dhacay degmada Ceel-cadde kadib ayaa ciidamo ka tirsan Kenya waxay ka baxeen magaalooyin dhowr ah oo ku yaala koofurta dalka Soomaaliya, waxaana saraakiisha ay ugu yeereen dhaqdhaqaaq farsamo oo ciidamada ay wadaan.