Ciidamada Itoobiya ee qaybta ah hawl-galka midowga Afrika ee Amisom ayaa deeq raashin ah ka qaybiyay Tuulada Goobweyn oo ku dhowaad 30-KM u jirta magaalada Kismayo ee caasumadda gobolka Jubbada hoose.
Deeqdan oo isugu jirta Baasto, Saliid, Sokor, caleenta Shaaha, Oomo iyo cuntooyin diyaarsan, ayaa loogu tala galay dadka jilicsan Naafada iyo kuwa dan yarta ah ee ku dhaqan Goob-weyn.
Wasiirka Hawlaha Guud iyo Guriyeynta maamulka Jubbaland Shukri Wayrax Kaariye, ayaa kaga mahad celiyay hawl-galka Amisom kaalmada ay la garab taagan yihiin shacabka Jubbooyinka ee tabaalaysan.
Saraakiisha Itoobiya ee deeqda gaarsiiyay Goob-weyn ayaa ballanqadday dhankooga inay gacan ka geysan doonaan soo kabashada nolosha dadka ku nool degaannadii dhawaan ka baxay gacanta Al-shabaab.
Hoos ka Daawo Sawirada:-
