TOP DHAGEYSO+DAAWO+SAWIRRO: Qurbajoog Booqatay Maanta Kuleeejada (Maama Orphan School) Oo Lagu Daryeelo Caruurta Agooonta Ah Ee Magaalada Caabudwaaq Iyo Xubno Ugu Yaboohay Dhulal Banaan.

August 9, 2016

Xubna kamid ah qurba joogta ka soo jeeda degmada ayaa markii ugu horaysay waxaa ay ka hirgaliyeen magaalada Caabudwaaq xaruntan MAAMA ORPHAN SCHOOL oo lagu daryeelo Agoonta degmada isla markaana lagu dhiso garaadkooda aqooneed ee ilmaha agoonta ah.

Waxaana agoonta kujirta xaruntaasi oo wiilal iyo gabdhi isugu jira aan ku arkay maanta markii aan ka qayb galay munaasabadda lagu dhiira galinayay caruur aad u da’yar oo aan haysan farxada waalid dhamaystiran taasi oo ah mida keentay in agoonimo loo ixtiraamo caruurtaasi.

Waxaana Munaasabad ay ku codsadeen aasaasayaashii kuleejkan in laga saacido taaba galinta xaruntan oo ah waqtigan mid ku shaqaysa goob kumeel gaar ah lagu qabtay Xarunta agoonta ee Maama Orphan School, Waxaana kala qayb galay xubno ka socday qaybaha bulshada.

Sahro Bashiir oo kamid ah qurbajoogta laheyd fikirka lagu Aas aasay xaruntan ayaa sheegtay in markii ay aragtay ilmaha ku jira xaruntan ay shacuurteedu is badashay waxaana ay codsi u dirtay cid walba oo wax u awooda Agoontan ay caawinaad lasoo gaaraan, sidoo kale Hashim Muuse Xasan iyo Faysal Daahir Dheere oo kamid ahaa qurbajoogta maanta booqatay xarunta agoonta maama ee magaalada Caabudwaaq ayaa iyagana dhankooda waxa ay baaq u direen dhamaan qurbajoogta inay si deg deg ah uga qayb qaataan caawinaada caruurtan agoonta ah.

Qaar kamid ah ka qayb galayaasha Munaasabadan ayaa dhankooda sheegay inay gacan ka gaysan doonaan habkii loogu heli lahaa dhismo u gaar ah caruurta agoonta ah ee kuleejada maama, isla goobtaas ayaa Geelle Cali Dhuux, Faadumo Caanood, Maxamed Sacdi Cawil (janagale) ay ugu yabooheen dhulal dhismo gaar ah looga dhiso caruurta agoonta, waxaana sidoo kale ay xuseen inay ka qayb gali doonaan waxii kaloo looga baahdo intii awoodooda ah.

Madaxa waxbarashada degmada ee Dawlad Goboleedka galmudug C/naasir Cagaweyne ayaa sheegay in Dugsigaan agoonta Maama uu ka mid yahay dugsiyada u diiwaan gashan Wasaarada Waxbarashada Dowladda Federaalka iyo Wasaarada Waxbarasada Maamulka Galmudug ayna ka qayb qaadan doonaan wax alle waxii horumarinta iskuulkan ah oo awoodooda ah.