Ciidanka maamulka Koonfur Galbeed ayaa saaka howgal ka wadda deegaanka Goof-Gaduud ee gobolka Baay oo ay dib ugula wareegeen Al-Shabaab oo muddo kooban gacanta ku hayay degmadaasi.
Ciidanka dowladda Soomaaliya ayaa siweyn u adkeeyay ammaanka deegaanka Goof-Gaduud , waxana ay baarayaan guryaha Qaar oo ay ka baadi goobayaan dagaalyahanada Al-Shabaab.
Habeen hore Dagaal ay kusoo qaadeen Al-Shabaab deegaanka Goof-Gaduud ayay kula wareegeen Gacanta ku haynta degaankaasi, laakiin Gurmad maamulka Koonfur Galbeed ay ka direen magaalada Baydhabo ayaa suurta geliyay in ay dib u qabsadaan ciidanka dowladda Soomaaliya.
Ciidamo dheeraad ah oo ka socda koonfur Galbeed iyo sidoo kale dowladda Soomaaliya ayaa joogga deegaanka Goof-Gaduud ee gobolka Baay.
