Wararka aan ka heleyno Magaalada Marka ee Gobolka Shabeelaha Hoose ayaa ku warramaya in maanta halkaas uu ka dhacay dagaal.
Dagaalka ayaa u dhexeeyay labo Maleeshiyo beeleed oo wada dega Magaalada Marka ee Xarunta Gobolka Shabeelaha Hoose.
Wararka ayaa waxa ay sheegayan in dagaalka uu ka dhashay Qaad lagu kala dhacay Magaaladaasi Marka.
Ugu yaran 1 qof oo dumar ah ayaa ku dhaawacantay dagaalkaasi ka dhacay Magaalada Marka ee Gobolka Shabeelaha Hoose.
Warar ayaa sidoo kale sheegay in ay jiraan khasaarooyin soo kala gaaray labada dhinac ee dagaalamay.
Hase ahaatee lama cayimin khasaarahaasi ay isugu geysteen dagaalka Maleeshiyadu.
