Wararka iminka naga soo gaaraya magaalada Caabudwaaq ayaa waxa ay sheegayaan in dagaalkii ka socday magaalada Caabudwaaq ee u dhaxeeyay maleeshiyaadka beelaha Wagardhac iyo Reer Siyaad Xuseen uu xogeeystay.
Warkan ayaa intaasi waxa uu ku darayaa in uu dagaalka ka socda hadda magalaada Caabudwaaq uu xoogeeystay dhinacyada dagaalamayana ay soo kala gaareen gurmadyo uga kala imaanaya deegaanada u dhaw dhaw Magaalada Caabudwaaq.
Dagaalkan ayaa sida la sheegay waxa uu salka ku hayaa aanooyin qabiil iyo dilal dad loogu geeystay gudaha magaalada Caabudwaaq.
Maamulka Magaalada iyo qaybaha kale ee bulshada ayaa Ilaa hadda ka hadlin dagaalka ama kala dhexgalin labada maleeshiyo beeleed ee dirirta u dhaxeysa.
Dhinaca kale waxaa jira qasaare nafeed oo uu dagaalkan reebay wararka hordhaca ahna waxay ay sheegayaan in dhimashadu tahay 6 ruux halka dhaawacuna gaarayo 10 ruux oo isugu jira labada dhinac ee dagaaalamaya.
Isku soo wada duuboo waxaa sanadahan dambe kusoo batay magaalada Caabudwaaq dilalka salka ku haya aanooyinka qabiilka kuwaa oo ugu dambeeyntana sababa in dagaal fool ka fool ah uu gudaha magaalada ku dhexmaro maleeshiyo beeleedyada, waloow dadka intooda badan ee dagta magaalada Caabudwaaq ayaa waxa ay ku eedeenayaan in dagaaladan ka dhacaya magaalada ay yihiin kuwo siyaasadeesan oo laga soo abaabulayo deegaano ka baxsan magaalada Caabudwaaq.
