Xafiiska Qaramada Midoobay ee Xiriirinta Arrimaha Bani’aadamnimada ayaa sheegay in abaaraha Ka Jira Geeska Afrika inay saameeyeen dad u badan carruur.
Sidoo kale Qaramada Midoobey ayaa Xustay in cunto Yari baahsani ay ka jirto dalalka Soomaaliya iyo Koonfurta Sudan .
Qaramada Midoobey ayaa sheegtay in dalalka Soomaaliya iyo Koonfurta Sudan ay yihiin meelaha ugu daran oo ay ka jirto cunto yarida baahsan ,taasina ay sabab u tahay ammaan la,aanta ka jirta dalalkaasi.
“Caruur badan oo kunool Geeska Afrika ayaa Qarka u saaran in ay u dhintaan Nafaqo daro , sidaas darteed waa muhiim in dadkaasi loo gargaaro , ugu Yaraan 29 Milyan oo qof oo kunool Geeska Afrika ayaa u baahan gargaar cunto ah ” ayaa lagu sheegay Warbixin kasoo baxday Qaramada Midoobey.
Qaramada Midoobey ayaa horay u sheegtay in ay jiraan caruur badan oo nafaqo daro ay ku haysato Soomaaliya , loona baahan in wax laga qabto arintaasi.
Sida ay sheegayaan qiyaasaha, ku dhowaad 320,000 kun oo carruur ah ayaa qarka u saaran in ay u dhintaan cuduro kala duwan oo ay sababtay abaarta ka jirta Soomaaliya iyadoona 50,000 kun oo ka mid ah ay la ildaran yihiin Nafaqo daran ba’an.
Hoos ka Dhageyso Codka:-
