Sugidda amnigu waxay kamid tahay caqabadaha ugu waaweyn ee horyaala dawladda cusub , waxka qabashada amni darada guud ahaan kajirta wadanka gaar ahaana caasimadda soomaaliya waxay kamid ahayd balanqaadyadii ugu muhiimsanaa ee uu sameeyay Madexweyne farmaajo , balse waxaa isbuucyadii ugu dambeeyay muqdisho kusoo badanayay falalka amni darada iyo dilalka isugu jira.
Tan iyo wixii ka dambeeyay doorashadii madaxtinimo ee muqdisho kadhacday bishii February ilaa iyo hadda waxaa Muqdisho lagu dilay dad aad ubadan, kuwaasoo tiro badan oo kamid ah loo dilay qaab qorsheysan ama sitoos loo beegsaday , waxaana xusid mudan inay kordheen dilalka loogaystay oday dhaqameedyada iyo ergaydii kaqayb gashay soo xulista xubnaha barlaman-ka hadda shaqaynaya, waxaana intaa dheer saraakiil ka tirsanaa ciidamada nabad-sugidda oo iyagana siyaabo kala duwan loodilay.
Tiro badan oo kamid ah , dadkaas la dilay waxa ay kudhinteen qaraxyo dhacay , oo uu ku jiro Qaraxii 19 febraayo ka dhacay xaafadda Kaabo-godey oo ay ku dhinteen in ka bada 30 qof iyo qaraxyo kale oo is xigxigay kuwaasoo qaarkood shakhsiyaad gaar ah lagu weeraray , guud ahaana tirada shacabka ee ku dhintay qaraxyadan oo kaliya waxay kor udhaafaysaa 60 qof .
Badankood dilalkan ka dhacayay Muqdisho mudooyinkii ugu dambeeyay ma jirin cid si toos ah oo loogusoo qabtay, Hadaba waqtigan kala guurka ah iyo waxa isku beegay dilalkan dhacay , iyo sababta kadambaysa in in amniga caasimaddu uu khalkhal kan galo waxaan kawaraysanay Maxamed Nuur Xaji oo ah Sarkaal hore oo katirsanaa ciidamadii XDS xiligii dawladii dhexe, Axmed Maxamed Cabsiiye oo lakulmay ayaa ugu horay waydiiyay waxa keenay in amaanka caasimaddu uu heerkan gaaro.
HALKAAN KA DHAGEYSO