Wararka laga helayo Gobolka Shabeelaha dhexe ayaa sheegaya in dagaal xoogan haatan uu ka socdo deegaanka Dani Baalow ee Gobolkaasi Shabeelaha Dhexe.
Waxaana uu dagaalka u dhexeeyaa ciidamada dowladda Soomaaliya iyo dagaalyahannada Xarakada Al Shabaab.
Dagaalkan ayaa yimid kadib markii Al Shabaab weerar culus ay ku qaadeen fariisimo ciidamada dowladda ay ku leeyihiin duleedka degmada Balcad ee Gobolka Shabeelaha Dhexe.
Waxaana dagaalka la’isku adeegsanayaa Hubka nuucyadiisa kala duwan, sida ay sheegeen dadka deegaanka.
Lama oga illaa iyo haatan khasaaraha ka dhashay dagaalkaasi, mana jiro weli wax war ah oo ka soo baxay labada dhinac ee ku dagaalamaya deegaanka Dani Baalow ee Gobolka Shabeelaha Dhexe.
