Wararka aynu ka heleyno Wadanka Qatar ayaa sheegaya in uu dalkaa goordhaw ku Geeriyooday Maxamed Warsame Qasaali oo kamid ahaa Fanaaniinta Soomaaliyeed.
Fanaanka ayaa Sanadadii dambe degenaa Wadanka Qatar oo uu Maanta ku geeriyooday, waxa uuna Ku luuqeeyey Heeso isugu jiray Jaceyl iyo Wadani kahor bur-burkii dalka ee oo uu katirsanaa Hobalada Waaberi.
Suugaantiisa waxaa kamid ahaa:- (Heesta Waa mahad Ilaahey adoo Madax banaanee), (Dhab u fiirso waligaa, oo ay kula luuqeysay AUN Magool), (Ubixii Baxaayaa, Sowdigaan Abaarsaday oo ay ereyadeedu lahaa Abwaan Cabdi Qays waxa uu ku luuqeeyey sanadii 1967-dii) iyo Heeso kale.
Qasali ayaa ku luuqeeyey Heeso wadani ah waxaana kamid ah Heesta (Ninkii Hadimo Taliyo) iyo kuwo kale oo laga diiwaan geliyey Xiligii Barisamaadka.
