Guddoomiyaha maamulka gobolka Banaadir ayaa maanta deeq mucaawino ah kala wareegay wasaaradda gargaarka iyo maareynta musiibooyinka ee Soomaaliya.
Deeqdan oo isugu jirtay raashin, teendhooyin iyo alaabe kale ayuu guddiimiyuhu kula wareegay, kadib munaasabad ka dhacday garoonka diyaaradaha ee Aadan Cadde.
Duqa Muqdisho ayaa sheegay in gargaarkan la gaarsiin doono dadka ay saameeyeen roobabkii saacadihii la soo dhaafay ka da’ay degmooyinka Banaadir.
Ugu dambeyn guddoomiyaha ayaa kormeeray qeybaha kala duwan ee garoonka, isagoo tilmaamay in nadaafad darro ay ka jirto, waxna uu ka qaban doono maamulkiisa.
