Kismaayo(AGGM) Wararka hadda laga helayo gudaha magaalada kismaayo ayaa shaacinaya in dagaal culus hadda ka socdo gudaha magaalada kismaayo dagaalkaas oo u dhexeya ciidamada Daacada u ah Nin Lagu magacaabo Xasan Baasto oo madaxweyne dhawaan sheegtey iyo ciidamada Jabhadda Raaskambooni ee uu hogaamiyo Axmed Madoobe,waxaana dagaalkaasi yahay mid si xoogan u socda.
Ciidamada Jabhadda Raaskambooni ayaa la sheegey inay weerar ku qaadeen guri uu deganaa Xasan Baasto waxaana la sheegay in dagaal culus halkaasi ka qarxay kaasi oo sababay khasaare dhimasho iyo dhaawacba leh oo labada dhinac soo kala gaarey,waxaana la sheegey in ciidamadii weerarka soo qaadey ee Raaskambooni dib loo riixay isla markaasna laga qabsadey gaari nooca dagaalka ah.
Xabadda ayaa la sheegayaa inay ku faaftey qaybo ka mid ah magaalada kismaayo waxaana dagaalkaasi hadda u muuqda mid sii qaboobaya waxaana wararku sheegayaan in labada dhinac isa soo gaarsiiyeen dhimasho iyo dhawac labada dhinac soo kala gaaray iyo dad shacab ah.
Xaalada magaalada ayaa ah mid kacsan waxaana lagu wadaa in labada dhinac ee dagaalamay mar dhaw saxafada la hadlaan inkastoo dagaalku hadda ka socdo qaybo ka mid ah xaafadaha magaalada Kismaayo,waxaana la sheegayaa in dhaawacyada dagaalkaasi ku waxyeeloobay loo qaadey isbitaalka weyn ee magaalada kismaayo.
Ugu dambeyntii khasaaraha labada dhinac ayaa la sheegaya inuu gaarayo 5 askari oo dhimasho ah iyo hal gaadiid dagaal ah oo laga qabsaday dhinac Axmed madoobe,waxaana la sheegayaa in gaarigaasi hadda ay gacanta ku hayan kooxda la sheegey inay tageersan tahay Xasan Basto oo sheegtey inuu madaxweyne Yahay.
Wararka ka soo kordha dagaalkaas kala soco Allgalgaduud
Isha Ku Hay Allgalgaduud
Allgalgaduud@gmail.com
