Kismaayo(AGGM) Kulan Muhiim ah oo beesha Shiikhaal yeelatay ayaa si geesinimo leh looga hadlay xaaladaha Magaalada Kismaayo iyo dhibaatada ay ku hayaan Jabhadda Raaskambooni ee laga soo daad gureyey degaanada Kilinka 5-aad, Puntland & Gaarisa,waxaana kulankaasi hanjabaad kulul loogu direy Jabhadda Raaskambooni ee ka soo duushay degaanada kala duwan.
Dhinaca kale kulan oo ahaa mid xiiso leh isla markaasna qaatey saacad iyo wax badan ayaa looga hadlay sidii dadkii dhibaatadu soo gaartey dhaqaale loogu aruurin laha isla markaasna looga tashan lahaa sidii wax looga qaban lahaa gumeystaha ku soo duulay gobollada Jubooyinka.
Beesha Shiikhaal waxay shaaciyeen inaysna u dul qaadan doonin in Jabhadda Raaskambooni ay ku sii sugnaadaan degaanada Jubooyinka,waxaana ay sheegeen inay u tafo xadeynayaan sidii ay iskaga difaaci lahayeen,waxaana beeshu sheegtey inay diyaar u tahay qaab kasta oo xal loogu helayo degaanada Jubooyinka.
Isha Ku Hay Allgalgaduud
Allgalgaduud@gmail.com
