Ugu yaraan Sagaal ruux ayaa ku geeriyootay labo qarax oo Ismiidaamin ah oo ka dhacay Dalka Nigeria, sida ay sheegayaan Saraakiisha ciidamada.
Qaraxyada oo ahaa Ismiidaamin, ayaa midkii koowaad wuxuu ka dhacay goob ay degan yihiin Xero Barakacayaal ah oo ku taalo Magaalada Maiduguri ee waqooyi bari dalkaasi.
Qaraxa labaad ayaa wuxuu ka dhacay goob Shidaalka laga dhoofiyo oo ku taalo isla dalkaasi Nigeria.
Saraakiisha ciidamada waxa ay sheegeen dad gaaraya 9 ruux inay ku dhinteen qaraxyadaasi, halka ay jiraan tiro gaareysa 20 ruux oo ku dhaawacmay.
Xoogaga Boko Haram oo dalka Nigeria ka dagaalama, ayaa kordhiyay weerarada ay ka geysanayaan dalka Nigeria.
Saraakiisha ciidamada Booliska Nigeria, ayaa wada Baaritaanka ku aadan sida ay u dhaceen weeraradaasi iyo sidoo kale raadadka dadka fuliyay halka ay ka yimaadeen.
Hoos ka Dhageyso Codka:-
