Ugu yaraan labo Ruux ayaa ku dhimatay, 4 kalena dhaawac ayaa ka soo gaaray Qarax Ciidamada Dowladda Kenya lagula eegtay Degaan u dhow Degmada Ceelwaaq ee Gobolka Gedo.
Qaraxan ayaa Kolonyo ay wateen Ciidamada Kenya waxaa lagula eegtay inta u dhaxeysa Buurta Mingeste iyo Degmada Ceelwaaq, sida Dadka Degaanka ay u sheegeen Idaacadda Shabelle ee Magaalada Muqdisho.
Kolonyada la qarxayay ayaa sida la tilmaamay waxaa raashiin ay u waday Degaanka Buzaar, halkaasi oo fariisimo ay ku leeyihiin Ciidamada Dowladda Kenya.
Wararka ayaa sheegaya in Qaraxa lagu gubay Kolonyadaasi, inkastoo aysan jirin wax hadal ah oo ka soo baxay Saraakiisha Dowladda Kenya oo ku aadan Weerarkaasi.
