Warbaahinta ayaa saaka siweyn u hadalhaysa in saraakiil American ah ay habeenkii xalay gaareen magaalada Boosaaso, oo ay kulamo kula qaateen saraakiisha ciidanka dowladda Puntland.
Wararka ayaa waxay sheegayaan in ciidamadan ay kasoo degeen Markab dagaal oo kusoo dhowaaday Dekadda Boosaaso, halkaasi ay kasoo qaadeen diyaarado Helicopter ah.
Waxaa lasheegayaa in saraakiisha ujeedkoodu yahay sidii ay saraakiisha ciidanka dowladda Puntland ugala arrinsan lahaayeen dagaalka kadhanka ah kooxda Dacish ee qabsatay degmada Qandala ee gobolka Bari.
Waxaa la sheegay in la doonayo in ciidamada Daacish dagaal xoog badan lala galo, islamarkaana laga sifeeyo Soomaaliya iyadoo lakaashanayo ciidanka badda iyo kuwa difaaca ee Puntland.
