Magaalada Muqdisho iyo nawaaxigeeda maanta waxaa ka Da’ay Roobab ay ku diirsadeen Dadka iyo Duunyada ku nool Magaalada Muqdisho, waxaana Roobabka ay hakiyeen isu socodka Gaadiidka iyo dadka.
Sawiro laga soo qaaday Roobabkan ayaa muujinaya wadooyinka qaar ee Muqdisho oo biyo badan ay fariisteen, waxaana Roobabkan ay yihiin kuwo dadka ay ku diirsadeen.
Dadkii saakay u shaqo tagi lahaa goobahooda ayaa guryahooda ku hakaday, maadaama Roobabka ay socdeen mudo saacado ah.
Qaar ka mid ah barakacayaasha ku nool Magaalada Muqdisho ayaa waxa ay sheegeen in saameyn balaaran ay ku yeesheen Roobabkan, sidoo kalena uu guryaha ugu soo galay Roobka.
Waxa ay baaq u direen Dowladda Federaalka iyo Hay’adaha gar gaarka iyagoo ka codsaday in gar gaar lala soo gaaro.
