1 Cunug ayaa ku dhintay Magaalada Gaalkacyo halka labo kale ay ku dhaawacmeen kadib markii ay ku qarxday Miino ay Garaaceen.
Carruurtaasi ayaa la sheegayaa in xilliga ay garaacayteen Miinada ku qaraxday ay ka soo baxeen Dugsi Qur’aan kuna socdeen Iskuul ay wax ka bartaan.
Labada Dhaawaca ah ayaa mid ka mid ah ay xaaladdiisa aad u liidataa,waxaana la dhigay Isbitaalka guud ee Gaalkacyo ee dhinaca waqooyiga ah.
Qaraxa ayaa ka dhacay Xaafadda Garsoor ee Gaalkacyo,halkaas oo ay dhawaan ku dagaallameen Ciidamada Maamullada Puntland iyo galmudug.
Raadadka ay reebeen dagaallada sokeeye ayaa waxaa ka mid ah in hubkii la isu adeegsaday oo aan qarxin ay Carruurta ku ciyaaraan kadibna ku qarxo halkaas oo ay ku nafwaayaan.
