Rag ku labisan dareeska ciidamada dowladda Soomaaliya oo gaaraya ilaa 6 nin ayaa maanta gudaha u galay xarunta jaamacadda SIMAD ee magaalada Muqdisho, sida uu sheegay guddoomiyaha jaamacadda Daahir Xasan Cabdi.
Guddoomiyaha Jaamacadda oo VOA la hadlay ayaa sheegay in raggan hubeysan ay gudaha u soo galeen jaamacadda iyaga oo xabada ridaya, taasna ay keentay in ardaydu ay qaarkood derbiyada ka boodaan walaacna uu ka dhashay gudaha jaamacadda.
Daahir Xasan Cadbi Daahir Carab ayaa sidoo kale sheegay in jaamacadda aysan lahayn wax ilaalo hubeysan ah.
Ardayda jaamacadda ayaa falkaas kadib la arkayey ayaga oo koox koox u taagan, ayna ka muuqato cabsi.
HALKAAN KA DHAGEYSO
