Wararka ka imaanaya Gobolka Shabellaha Hoose gaar ahaan Degaanka Caddow-dibile oo Duleedka ka ah Degmada Afgooye ayaa sheegaya in Galabta uu ka dhacay Dagaal u dhexeeya Ciidamada Dowladda iyo Dagaalameyaal ka tirsan Al-shabaab.
Dagaalka ayaa la sheegay inuu yimid ka dib markii Ciidamo Milatari ah oo ka soo baxay Xero ay ka dagan yihiin Laanta Buuro kuna soo jeeday Degmada Afgooye ay Jidgooyo u dhigeen Al-shabaab islamarkaana ay ku Weerareen Meel u dhow Degaanka Caddow-Dibile,waxaana halkaas ku dhex maray Dagaal mudo socday.
Saraakiil ka tirsan Ciidamada Xoogga Dalka ayaa sheegay in Al-shabaab ay Jidka u galeen Ciidamo ka tirsan Milatariga,waxaana ay sheegeen in ay ka dileen Saddex Dagaalame Gaari Nuuca Raaxada ah iyo Mooto ay wateena ka furteen.
Al-shabaab dhankooda wali wax War ah oo ku aadan Dagaalka ka dhacay Duleedka Degmada Afgooye ee Gobolka Shabellaha Hoose kama soo bixin
