Magaalada Muqdisho gaar ahaan Taalada Daljirka Dahsoon gelinkii dambe ee maanta waxaa ka dhacay Banaanbax ay isugu soo baxeen shacabka ku nool Muqdisho, oo u badnaa dhalinyaro.
Ujeedka Banaanbaxa ayaa ahaa sidii dadka reer Muqdisho ay u muujin lahaayeen sida ay ugu xun yihiin qaraxii dadka badan ay ku dhinteen ee ka dhacay Muqdisho,gaar ahaan Isgoyska Zoobe.
Banaanbaxayaashaan ayaa socod dheer ka soo bilaabay Garoonka kubadda Cagta ee Banaadir Studium ee degmada C/Casiis waxa ayna ku imaadeen Taalada Daljirka Dkaahsoon.
Intii ay wadada ku soo jireen waxa ay ku dhawaaqayeen erayo ay ku muujinaya sida ay ugu xun yihiin qaraxii dhacay iyo dadkii dhamaaday.
Guddoomiyaha Ururka Haweenka Gobolka Banaadir Jawaahir Baarqab iyo Guddoomiyaha Ururka Haweenka Qaranka Soomaaliyeed Batuulo Sheekh Axmed Gaballe ayaa dadweyne aad u fara badan kula hadlay Taalada Daljirka Dahsoon ee degmada Boondheere.
Guddoomiyaha Gobolka Banaadir ahna Duqa Muqdisho Thaabid Cabdi Maxamed oo khudbad dheer u jeediyay dadkii banaanbaxa dhigaayay ayaa sheegay in loo baahan yahay in si wadajir ah lo caawiyo dadka ay waxyeeladu ka soo gaareen qaraxa.
Guddoomiyaha ayaa sidoo kale dadka Soomaaliyeed ka coday in ay joojiyaan Sawirada dadka jirkooda go’ go’ay ee la soo dhigayo baraha Bulshada ee Internet-ka sida Facebook.
DHAGEYSO CODADKA BANAANBAXA
Comments are closed.