Wararka naga soo gaaraya deegaano hoostaga degmada Bacad weyn ee gobolka Mudug ayaa sheegaya in biyo la’aan daran ay ka jirto deegaanka dadkuna aysan heysan biyo ku filan.
Arintan ayaa ka dambeysay kadib markii uu jabay ceelka deegaanka, iyadoona biyo la’aantu ay dadka soo wajahday.
Qaar kamid ah dadka shacabka ah ee nool deegaanka ayaa walaac ka muujiyay xaalada soo wajahday, iyagoo cid kasta oo wax ka qaba karta ka codsaday in loo gurmado.
Dadkaan ku dhaqan deegaankaasi iyo deegaanada kale ee ku tiirsanaa ayaa halis waxa ay ugu jiraan in dhibaato ay kasoo gaarto biyo la’aanta haysa, hadii aanay gurmad degdeg ah helin.
